काठमाडौं । पछिल्लो २४ घण्टामा काठमाडौं उपत्यकामा थप १ हजार ७४६ कोरोना संक्रमित देखिएका छन् । स्वास्थ्य तथा जनसंख्या मन्त्रालयका अनुसार काठमाडौंमा १ हजार ४५१, ललितपुरमा १५२ र भक्तपुरमा १४३ जना संक्रमित देखिएका हुन् । शनिबार देशभरी थप ३ हजार १६७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । हालसम्म नेपालमा १ लाख २९ हजार ३०४ संक्रमित थपिएका छन् । कोरोनाको नयाँ हटस्पट बनेको काठमाडौं उपत्यकामा निरन्तर बढिरहेको छ । विज्ञहरुका अनुसार यो क्रम अझै २ हप्ता रहने देखिन्छ । संक्रमण बढेपछी काठमाडौं र ललितपुर जिल्ला प्रशासन कार्यलयले अत्यावश्यक बाहेकका सेवा बन्द गरेका छन् ।
