काठमाडौं । एभरेष्ट बैंकको लाभांश सुरक्षित गर्ने आज (बिहीबार) अन्तिम दिन हो । एभरेष्टले ५ प्रतिशत बोनस सेयर र ५ दशमलव ५३ प्रतिशत नगद लाभांश गरी कुल १० दशमलव ५३ प्रतिशत लाभांश वितरण गर्दैछ । बैंकले साधारण सभा प्रयोजनका लागि पुस १० गतेदेखि २७ गतेसम्म बुक क्लोज गर्ने भएको छ । यसर्थ, लाभांश हात पार्न आजै (बिहीबार) सेयरधनी बनिसक्नुपर्नेछ ।
एभरेष्ट बैंकले पुस २७ गते वार्षिक साधारण सभा गर्ने भएको छ । सभा बैंकको केन्द्रीय कार्यालय लाजिम्पाट काठमाडौंमा बिहान ११ बजेदेखि सुरु हुनेछ । कोरोनाका कारण सेयरधनीलाई भर्चुअल रुपमा सभामा उपस्थित गराउने बैंकले जनाएको छ ।
