काठमाडौं । आइतबार नेपाली बजारमा सुनको भाउ सामान्य बढेको छ । नेपाल सुनचाँदी व्यवसायी महासंघका अनुसार शुक्रबार तोलामा ९० हजार रुपैयाँमा कारोबार भएको छापावाल सुन आइतबार ६०० रुपैयाँले बढेर तोलामा ९० हजार ६०० रुपैयाँमा कारोबार भएको हो । यस्तै तेजावी सुन तोलमा ९० हजार १५० रुपैयाँमा कारोबार भएको छ ।
यसैबीच आइतबार चाँदीको मूल्य पनि बढेको छ । शुक्रबार तोलामा १ हजार २९० रुपैयाँमा कारोबार भएको चाँदी आइतबार बढेर १ हजार ३१० रुपैयाँमा कारोबार भएको महासंघले जनाएको छ ।
