काठमाडौं । सारथी नेपाल लघुवित्त वित्तीय संस्था लिमिटेडले गत आर्थिक वर्ष २०७६–०७७ को लागि लाभांश प्रस्ताव गरेको छ ।
नयाँ नेपाल लघुवित्त वित्तीय संस्थासँग मर्जर प्रक्रिया सम्पन्न गरेको यस कम्पनीले मर्जर पश्चात कायम शेयरधनीहरुलाई ९.११ प्रतिशत बोनस शेयर र कर प्रयोजनका लागि ०.४८ प्रतिशत नगद लाभांश वितरण गर्ने निर्णय गरेको हो ।
मर्जर पश्चात हाल कम्पनीको चुक्तापूँजी २३ करोड ५३ लाख ८६ हजार रुपैयाँ रहेको छ । सोही पूँजीको आधारमा लाभांश वितरण गर्ने निर्णय कम्पनीको फागुन ११ गतेको सञ्चालन समितिको बैठकले गरेको हो ।
सञ्चालक समितिले प्रस्ताव गरेको उक्त लाभांश नेपाल राष्ट्र बैंकको स्वीकृति र आगामी साधारण सभाले पारित गरेपछि वितरण हुनेछ ।
