काठमाडौं । नेपाली बजारमा सुनको भाउ आज (सोमबार) पनि बढेको छ । आइतबार सुनको भाउ तोलामा ८६ हजार एक सयमा कारोबार भएकोमा आज तोलामा एक सयले बढेको हो । आइतबार पनि सुनको भाउ तोलामा पाँच सयले बढेको थियो ।
नेपाल सुनचाँदी व्यावसायी महासंघका अनुसार आज छापावाल सुनको भाउ तोलामा ८६ हजार २ सय कायम गरिएको छ भने तेजावी सुनको भाउ तोलामा ८५ हजार ७५० रुपैयाँ कायम गरिएको छ ।
त्यस्तै, आज चाँदीको भाउ पनि बढेको छ । आइतबार चाँदीको भाउ तोलामा १ हजार २५० मा कारोबार भएकोमा आज बढेर १ हजार २६५ पुगेको महासंघले जनाएको छ ।
