काठमाडौं । नेपाली बजारमा बिहीबार पनि सुनको भाउ बढेको छ । नेपाल सुनचाँदी व्यवसायी महासंघका अनुसार बुधबार तोलामा ८६ हजार २०० रुपैयाँमा कारोबार भएको छापावाल सुन बिहीबार बढेर तोलामा ८६ हजार ८०० रुपैयाँ पुगेको हो। यस्तै तेजाबी सुन तोलामा ८६ हजार ३५० रुपैयाँमा कारोबार भएको महासंघले जनाएको छ ।
यसैबीच चाँदीको मूल्य पनि बढेको छ । बुधबार तोलामा १ हजार २७० रुपैयाँमा कारोबार भएको चाँदी १ हजार २८५ रुपैयाँमा कारोबार भएको महासंघले जनाएको छ ।
