ललितपुर । जिल्ला प्रशासन कार्यालय ललितपुरले सोमबारदेखि एक साताका लागि अत्यावश्यकबाहेकका सेवा हाललाई स्थगित गरिएको छ ।
कारोना भाइरस (कोभिड–१९) संक्रमित प्रत्येक दिन बढ्दै गएकाले यस्तो निर्णय गरिएको जानकारी सहायक प्रमुख जिल्ला अधिकारी ललितकुमार बस्नेतले जानकारी दिए । उनले अन्य कार्यालयमा पनि भीडभाड हुन नदिन आलोपालो पद्धतिबाट सेवा दिने व्यवस्था मिलाउन भनिसकेको बताए ।
प्रशासनबाट उपलब्ध गराउँदै आएको नयाँ नागरिकता, नागरिकता प्रतिलिपि र नाबालक परिचयपत्र, राहदानी वितरण तथा सिफारिस, हातहतियार, संस्था दर्ता तथा नवीकरण र पत्रपत्रिका दर्ता एक साताका लागि स्थगित गरिएको छ ।
शान्ति सुरक्षासँग सम्बन्धित निवेदन र मुद्दासँग सम्बन्धित काम र अन्य अत्यावश्यक सिफारिसहरु भने सुचारु हुने बस्नेतले बताए ।
