काठमाडौं । नेपाली बजारमा बुधवार सुनको भाउ घटेको छ । स्थानीय बजारमा अघिल्लो कारोबार दिन अर्थात् मंगलवार ३०० रुपैयाँले उकालो लागेको सुनको भाउ बुधवार सोही अंकले घटेको हो ।
नेपाल सुनचाँदी व्यवसायी महासंघका अनुसार बुधवार छापावाला सुन प्रतितोला ९२ हजार रुपैयाँमा कारोबार भएको छ । मंगलवार छापावाला सुनको भाउ प्रतितोला ९२ हजार ३०० मा कारोबार भएको थियो । मंगलवारको तुलनामा बुधवार छापावाला सुन प्रतितोला ३०० रुपैयाँले घटेको हो ।
त्यसैगरी, तेजाबी सुन प्रतितोला ९१ हजार ५०० रुपैयाँमा कारोबार भइरहेको छ । मंगलवार तेजाबी सुन प्रतितोला ९१ हजार ८०० रुपैयाँमा कारोबार भएको थियो ।
यस्तै, बुधवार चाँदीको भाउ भने स्थिर रहेको छ । मंगलवार प्रतितोला १ हजार ३४५ रुपैयाँमा कारोबार भएको चाँदी बुधवार पनि सोही भाउमा खरीदविक्री भइरहेको छ ।
