काठमाडौं । बागमती प्रदेशबाट राष्ट्रियसभा सदस्यमा रिक्त एक पदका लागि भएको उपनिर्वाचनमा स्थानीय तह तर्फको मतगणना सकिएको छ। स्थानीय तहका २ सय ३८ मध्ये २ सय ३३ जनाले मतदान गरेका थिए।
जसमा खिमलाल देवकोटाले १२८, रामबहादुर थापा बादलले १०३ र कृष्णबहादुर तामाङले २ मत प्राप्त गरेका छन्। स्थानीय तहका प्रतिनिधिको एक मत बराबर १८ मतभार रहेको छ।
अब प्रदेशसभा सदस्य तर्फको मतगणना सुरु गरिने निर्वाचन अधिकृतको कार्यालयले जनाएको छ।
प्रदेश सांसद १ सय ५ र स्थानीय तहका प्रमुख–उपप्रमुख गरी २ सय ३३ जनाले मतदान गरेका थिए।
