काठमाडौं । बिहीबार, सुनको भाउ बढेको छ भने चाँदीको भाउ केही घटेको छ।
नेपाल सुनचाँदी व्यवसायी महासंघले यस दिनका लागि छापावाल सुनको भाउ प्रतितोला ९२ हजार ३०० रुपैयाँ तोकेको छ। यो अघिल्लो दिन अर्थात बुधबारको तुलनामा १०० रुपैयाँ बढी हो। बुधबार यस्तो सुन प्रतितोला ९२ हजार २०० रुपैयाँमा कारोबार भएको थियो।
त्यसैगरी, यस दिन तेजावी सुनको भाउ १०० रुपैयाँ बढेर ९१ हजार ८०० रुपैयाँ पुगेको छ।
यता चाँदीको भाउ भने प्रतितोला १० रुपैयाँ घटेको छ। बुधबार प्रतितोला १ हजार ३२० रुपैयाँमा कारोबार भएको चाँदी यस दिन १ हजार ३१० रुपैयाँमा कारोबार भइरहेको छ।
