बुटबल । लुम्बिनी प्रदेशका प्रदेश प्रमुख अमिक शेरचनले नेकपा (माओवादी केन्द्र)लुम्विनी प्रदेश संसदीय दलका नेता कुलप्रसाद केसी (सोनाम) लाई मुख्यमन्त्रीमा नियुक्त गरेका छन् ।
प्रदेश प्रमुख शेरचनले संविधानको धारा १६८ (२) बमोजिम मुख्यमन्त्रीमा नियुक्त गरेको प्रदेश प्रमुखको कार्यालयद्वारा जारी सूचनामा जनाइएको छ । रोल्पाबाट प्रदेशसभामा निर्वाचित उनले आजै शपथ ग्रहण गर्देछन् ।
केसीलाई मुख्यमन्त्री नियुक्त गर्न आजै चार दलीय गठबन्धनले ४२ जना प्रदेश सभा सदस्यको हस्ताक्षर सहित प्रदेश प्रमुख अमिक शेरचन समक्ष बहुमतको सरकार गठनका लागि दाबी पेश गरेको थियो ।
मुख्यमन्त्रीमा एकल दावी परेपछि प्रदेश प्रमुख अमिक शेरचनले उनलाई मुख्यमन्त्री चयन गरेका हुन् । आजै शपथ ग्रहण गरी सानो आकारको मन्त्रीमण्डल बनाउने तयारी छ ।
