काठमाडौं । संसदको चालु अधिवेशन अन्त्य भएको छ । सरकारको सिफारिसमा राष्ट्रपति विद्यादेवी भण्डारीले संसदको चालु अधिवेशन अन्त्य गरेकी हुन् ।
सोमबार बसेको प्रतिनिधिसभा बैठकमा सभामुख अग्निप्रसाद सापकोटाले राष्ट्रपतिले संसद अन्त्य गरेको पत्र पढेर सुनाए ।
सर्वोच्च अदालतले प्रतिनिधिसभा पुनर्स्थापना गरेपछि गत साउन ३ गतेबाट अधिवेशन सुरु भएको थियो । अधिवेशनबाट प्रधानमन्त्री शेरबहादुर देउवाले विश्वास मत समेत लिएका थिए ।
