काठमाडौं । नेपालको स्थानीय बजारमा आज (बिहीबार) सुनचाँदीको भाउ घटेको छ । नेपाल सुनचाँदी व्यवसायी महासंघकाअनुसार आज सुनको भाउ प्रतितोला १०० रुपैयाँले घटेको हो । यस्तै, आज चाँदीको भाउमा पनि प्रतितोला १० रुपैयाँको गिरावट आएको छ ।
जसअनुसार, आज छापावाल सुनको भाउ प्रतितोला ९० हजार ६०० रुपैयाँ र तेजाबी सुनको भाउ प्रतितोला ९० हजार १०० रुपैयाँ तोकिएको छ । हिजो (बुधबार) छापावाल सुनको भाउ प्रतितोला ९१ हजार ७०० र तेजाबी सुनको भाउ प्रतितोला ९० हजार ९०० रुपैयाँ थियो ।
यसका साथै, आज चाँदीको प्रतितोला भाउ १२ सय १० रुपैयाँ कायम भएको छ । हिजो तोलामा १२ सय २० रुपैयाँ कायम भएको चाँदी आज तोलामा १० रुपैयाँले घटेको हो ।
