काठमाडौं । नेपाली बजारमा आज (बुधबार) सुनको भाउ प्रतितोला ६०० रुपैयाँले बढेको छ । छापावाल र तेजाबी दुवै गुणस्तरका सुनको भाउ बढेको हो ।
नेपाल सुनचाँदी व्यवसायी महासंघका अनुसार आज छापावाल सुनको प्रतितोला भाउ ९१ हजार २०० रुपैयाँ पुगेको छ । हिजो (मंगलबार) छापावाल सुनको भाउ ९० हजार ६०० रुपैयाँ थियो ।
यस्तै, आज तेजाबी सुनको भाउ प्रतितोला ९० हजार ७०० रुपैयाँ पुगेको छ । हिजो ९० हजार १०० रुपैयाँमा कारोबार भएको थियो ।
चाँदीको मूल्य भने तीन दिनदेखि स्थिर छ । प्रतितोला १२ सय रुपैयाँमा कारोबार भइरहेको छ ।
