काठमाडौं । सुनको भाउ एकैदिन ५०० रुपैयाँले घटेको छ । बुधबार सुनचाँदीको भाउमा गिरावट आएको हो । यस दिन छापावाला सुन प्रतितोला ९१ हजार ५०० रुपैयाँ तोकिएको नेपाल सुनचाँदी व्यवसायी महासंघले जनाएको छ ।
आज तेजाबी सुनको पनि भाउ वृद्धि भएर प्रतितोला ९१ हजार रुपैयाँमा किनबेच भएको छ । मंगलबार, सुन प्रतितोला २०० रुपैयाँले बढेर ९२ हजार रुपैयाँमा कारोबार भएको थियो ।
कुकुर तिहारको दिन चाँदीको मूल्य पनि ओरालो लागेको छ । यस दिन चाँदी तोलामा नै २५ रुपैयाँले घट्दा प्रतितोला १२ सय २५ रुपैयाँमा खरिदबिक्री भइरहेको छ । महासंघको तथ्यांक अनुसार मंगलबार भने चाँदी तोलामा पाँच रुपैयाँले उकालोलाग्दा प्रतितोला १२ सय ५० रुपैयाँमा किनबेच भएको थियो ।
