काठमाडौं । आज (सोमबार) सुनको भाउ ह्वात्तै बढेको छ । लक्ष्मी पूजाको दिन अर्थात् कार्तिक १८ गते बिहिबारको तुलनामा सुनको भाउ आज तोलामा १५ सय रुपैयाँले बढेको हो ।
लक्ष्मी पूजाको दिनपछि तिहारको अवधिभरी सुनको नयाँ भाउ तोकिएको थिएन । तिहारपछि पहिलोपटक तोकिएको सुनको भाउ तोलामा १५ सयले बढेको हो ।
गत बिहिबार तोलाको ९१ हजारमा कारोबार भएको छापावाला सुनको भाउ आज तोलामा १५ सय रुपैयाँले बढेर तोलाको ९२ हजार ५ सय पुगेको छ ।
तेजाबी सुनको भाउ पनि आज तोलामा १५ सयले नै बढेर ९२ हजार पुगेको छ ।
आज चाँदीको भाउ पनि तोलामा एकैपटक २५ रुपैयाँले बढेर तोलाको १२ सय ५० रुपैयाँ पुगेको छ ।
