काठमाडौं । शुक्रबार सुनको भाउ घटेको छ । आज सुन तोलामा १०० रुपैयाँले गिरावट भएको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ९४ हजार ४०० रुपैयाँमा कारोबार भइरहेको छ । यस्तै तेजाबी सुन प्रतितोला ९३ हजार ९०० रुपैयाँमा खरिदबिक्री हुँदैछ । अघिल्लो कारोबार दिन सुन तोलामा २०० रुपैयाँले उकालो लागेर प्रतितोला ९४ हजार ५०० रुपैयाँमा तोकिएको थियो ।
यसैगरी चाँदीको मूल्य तोलामा पाँच रुपैयाँले घटेर प्रतितोला १२ सय ७५ रुपैयाँमा किनबेच भइरहेको महासंघको तथ्यांकमा उल्लेख गरिएको छ । यसअघि बिहीबार भने चाँदीको भाउ स्थिर रही १२ सय ८० रुपैयाँ कायम रहेको थियो ।
