काठमाडौं । नेपाली बजारमा मंगलबार सुनचाँदी दुवैको भाउ बढेको छ ।
नेपाल सुनचाँदी व्यवसायी महासंघका अनुसार आज सुनको भाउ तोलामा ३०० रुपैयाँले बढेको छ। योसँगै प्रतितोला छापावाल सुन ९२ हजार ८०० रुपैयाँ र तेजाबी सुन ९२ हजार ३०० रुपैयाँ पुगेको छ।
हिजो सोमबार सुनको भाउ स्थिर रहेको थियो। सोमबार छापावाल सुन प्रतितोला ९२ हजार ५०० रुपैयाँ र तेजाबी सुन ९२ हजार रुपैयाँमा कारोबार भएको थियो।
आज चाँदीको भाउ तोलामै २० रुपैयाँ बढेर १२ सय १० रुपैयाँ कायम भएको छ। हिजो भाउ स्थिर रहँदै चाँदी ११ सय ९० रुपैयाँमा किनबेच भएको थियो।
