काठमाडौं । नेपाली कांग्रेस उपसभापति पदको मतगणना भइरहेको छ । १२०० मत गणना हुँदा धनराज गुरुङ सबैभन्दा अघि छन् ।
अहिलेसम्म परिणाम अनुसार सबैभन्दा बढी धनराज गुरुङले मत ल्याएका छन्। गुरुङले ५४३ मत ल्याएका छन्।
अर्का उम्मेदवार पूर्णबहादुर खड्काले गुरुङलाई पछ्याइरहेका छन्। उनले ५०१ मत ल्याएका छन्।
यता, चन्द्र भण्डारी र विजयकुमार गच्छदारको पनि प्रतिस्पर्धा चलिरहेको छ। भण्डारीले ४७२ र गच्छदारले ४५४ मत ल्याएका छन्।
गुरूङ र भण्डारी सभापतिमा पराजित शेखर कोइराला समूहका हुन्। खड्का र गच्छदार सभापति निर्वाचित शेरबहादुर देउवा समूहका उम्मेदवार हुन्।
कांग्रेस विधान अनुसार सबैभन्दा बढी मत ल्याउने दुई जना उपसभापति निर्वाचित हुन्छन्।
