काठमाडौं । शिक्षामन्त्री देवेन्द्र पौडेलमा कोरोना भाइरस (कोभिड–१९) संक्रमण पुष्टि भएको छ।
सोमबार बिहान उनको स्वाब परीक्षणका लागि दिइएकामा बेलुका कोरोना पोजेटिभ रिपोर्ट आएको मन्त्रीका प्रेस संयोजक विमल खड्काले जानकारी दिए । ‘माननीय शिक्षा, विज्ञान तथा प्रविधिमन्त्री देवेन्द्र पौडेललाई कोभिड पोजेटिभ देखिएको छ । रुघा र सामान्य खोकी लागेपछि उहाँले सोमबार बिहान पीसीआर परीक्षण गर्नुभएको थियो । अहिले उहाँको स्वास्थ्य अवस्था सामान्य रहेको छ’, खड्काले सामाजिक सञ्जालमार्फत जानकारी गराएका छन् ।
शिक्षा मन्त्री पौडेल अहिले होम आइशोलेसनमा छन् ।
पौडेल पनि काठमाडौंमा सम्पन्न नेकपा माओवादी केन्द्रको महाधिवेशनमा सहभागी भएका थिए।
माओवादी महाधिवेशनमा सहभागी अध्यक्ष पुष्पकमल दाहाल प्रचण्डसहित सयभन्दा धेरैलाई कोरोना पुष्टि भइसकेको छ।
