काठमाडौं । नेपाली बजारमा सुनको भाउ आज पनि बढेको छ । हिजो सुनको मूल्य प्रतितोला ९३ हजार ७ सयमा कारोबार भएकोमा आज तोलामा १०० रुपैयाँले बढेको हो । बिहिबार पनि सुनको मूल्य तोलामा एक हजार रुपैयाँले बढेको थियो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९३ हजार ८ सय रुपैयाँ कायम गरिएको छ भने तेजावी सुनको मूल्य प्रतितोला ९३ हजार ३ सय रुपैयाँ कायम गरिएको छ ।
त्यस्तै, आज चाँदीको मूल्य पनि बढेको छ । हिजो चाँदीको मूल्य प्रतितोला १२ सय १५ मा कारोबार भएकोमा आज बढेर तोलामा १३ सय २५ रुपैयाँ कायम गरिएको महासंघले जनाएको छ ।
