काठमाडौं । हराएको भनिएको २४ लाख डोज खोजी गर्न सरकारले छानविन समिति गठन गरेको छ। कोरोना महामारी तीव्र रूपमा बढिरहँदा मन्त्रालयले २४ लाख मात्रा खोप रेकर्डमा नभएको जनाएको थियो । उक्त खबर बाहिरिएपछि सरकारको चर्को आलोचना भएको थियो। मन्त्रालयले यसबारे एकीन जवाफ दिन नसकिरहेका बेला छानविन समिति नै बनाएको हो।
स्वास्थ्य तथा जनसंख्या मन्त्रालयले खोप हराएको विषयमा छानविनका लागि ५ सदस्यीय समिति बनाएको हो।
मन्त्रालयका प्रमुख विशेषज्ञ डा. गुणराज लोहनीको संयोजकत्वमा उक्त छानविन समिति गठन भएको हो।
समितिले दुई हप्तामा प्रतिवेदन दिने मन्त्रालयकी प्रवक्ता डा संगीता मिश्राले जानकारी दिएकी छन्।
