काठमाडौं । पछिल्लो २४ घण्टामा देशभर २४ सय १ जनामा कोरोना भाइरस (कोभिड–१९) संक्रमण पुष्टि भएको छ। सोही अवधिमा ७७ सय ७७ जना संक्रमणमुक्त भएका छन्।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १६ हजार ३ सय ५६ जनाको नमुना परीक्षण गर्दा उक्त संख्यामा संक्रमण पुष्टि भएको हो।
मन्त्रालयका अनुसार ११ हजार ६०३ पिसिआर परीक्षणबाट १८ सय ५१ जना र ४७ सय ५३ एन्टिजेन परीक्षणबाट ५५० जनामा संक्रमण पुष्टि भएको हो।
यस्तै बितेको २४ घण्टामा कोरोनाबाट १४ जनाले ज्यान गुमाएका छन्। हाल देशभर कोरोनाको सक्रिय संक्रमित ३० हजार २४१ जना रहेका छन्।
