काठमाडौं । पछिल्लो २४ घण्टामा देशभर ७ सय ४७ कोरोना भाइरस (कोभिड–१९) संक्रमित थपिएका छन् । स्वास्थ्य मन्त्रालयले दिएको विवरण अनुसार पीसीआर परीक्षणबाट ४ सय ८२ र एन्टिनेज परीक्षणबाट २ सय ६५ जनामा कोरोना पुष्टि भएको छ ।
२४ घण्टामा ८ हजार ६९६ कोरोना परीक्षण भएको स्वास्थ्य मन्त्रालयले जानकारी दिएको छ । यसमा ६ हजार २७९ पीसीआर र २ हजार ४१७ एन्टिजेन परीक्षण भएको छ ।
यस आँकडामा एसएमएस तथा इमेलबाट आएका एन्टिजेन परीक्षणका रिपोर्ट पनि समावेश गरिएको स्वास्थ्य मन्त्रालयले जनाएको छ।
२४ घण्टामा २३ सय १९ जना कोरोनामुक्त भएका छन् । कोरोनाबाट मृत्यु हुनेको संख्या ८ रहेको स्वास्थ्य मन्त्रालयले जनाएको छ ।
देशभर सक्रिय संक्रमितको संख्या २० हजार ७३९ रहेको स्वास्थ्य मन्त्रालयले जानकारी दिएको छ ।
