काठमाडौं । पछिल्लो २४ घण्टामा देशभर १८० जनामा कोरोना भाइरस (कोभिड–१९) संक्रमण पुष्टि भएको छ । ८३ सय ४१ जनामा नमुना परीक्षण भएकामा १८० जनामा संक्रमण पुष्टि भएको हो । स्वास्थ्य मन्त्रालयले दिएको विवरणअनुसार पीसीआर परीक्षणबाट ११९ जना र एन्टिजेन परीक्षणबाट ६१ जना संक्रमित थपिएका छन् ।
सोही अवधिमा ४०० जना संक्रमणमुक्त भएका छन् ।
यसैबीच पछिल्लो २४ घण्टामा एक जनाको मृत्यु भएको छ । यससँगै देशभर कोरोनाबाट मृत्यु हुनेको कुल संख्या ११ हजार ९३६ पुगेको छ ।
हालसम्म देशभर कोरोना संक्रमितको कुल संख्या पीसीआर विधिबाट ९ लाख ७६ हजार ९८४ र एन्टिजेन विधिबाट भएको परीक्षणमा १ लाख ३९ हजार ३८७ जना पुगेको छ । संक्रमितमध्ये हालसम्म ९ लाख ५६ हजार ४१३ जना निको भएका छन् ।
हाल देशभर ८२ सय ३५ जना सक्रिय संक्रमित रहेका छन् ।
