काठमाडौं । पछिल्लो २४ घण्टामा देशभर २२४ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयको बुधबारको प्रेस ब्रिफिङमा मन्त्रालयकी प्रवक्ता डा. संगीता मिश्राले दिएको जानकारी अनुसार पीसीआरबाट ६८ र एन्टिजेन परीक्षणबाट १५६ जनामा कोरोना पुष्टि भएको छ ।
यस अवधिमा १० हजार ९२ परीक्षण भएको छ । यसमा पीसीआर परीक्षण ६ हजार ९३६ र एन्टिजेन परीक्षण ३ हजार १५६ भएको छ । २४ घण्टामा २५१ जना कोरोनामुक्त भएका छन् । कोरोनाबाट मृत्यु हुनेको संख्या शून्य छ ।
२४ घण्टामा देशभरको पीसीआर परीक्षणको संक्रमणदर १.१ प्रतिशत रहेको प्रवक्ता मिश्राले जानकारी दिनुभएको छ।
यो हप्ताको औषत संक्रमणदर १.७ प्रतिशत रहेको प्रवक्ता मिश्राले बताइन ।
