काठमाडौं । साताको पहिलो कारोबार दिन आइतबार नेपाली बजारमा सुनको तोलाको फेरि १ लाख रुपैयाँ माथि पुगेको छ।
नेपाल सुनचाँदी व्यवसायी महासंघका अनुसार आज सुनको भाउ तोलामा ८०० रुपैयाँले बढेको छ। योसँगै प्रतितोला छापावाल सुन १ लाख ३०० रुपैयाँ र तेजाबी सुन ९९ हजार ८०० रुपैयाँ कायम भएको छ।
गत शुक्रबार पनि सुनको भाउ तोलामा ५०० रुपैयाँले बढेको थियो। यो दिन प्रतितोला छापावाल सुन ९९ हजार ५०० रुपैयाँ र तेजाबी सुन ९९ हजार रुपैयाँमा कारोबार भएको छ।
आज चाँदीको भाउ पनि तोलामा १० रुपैयाँले बढेर १३ सय ६५ रुपैयाँ कायम भएको छ। गत शुक्रबार तोलामा १० रुपैयाँले बढेर चाँदी १३ सय ५५ रुपैयाँमा किनबेच भएको थियो।
