काठमाडौं । पछिल्लो २४ घण्टामा देशभर १२ जनामा कोरोना भाइरस (कोभिड–१९) संक्रमण देखिएको छ । स्वास्थ्य मन्त्रालयले दिएको विवरण अनुसार पीसीआरबाट ११ र एन्टिजेन विधिबाट १ जनामा संक्रमण पुष्टि भएको हो ।
२४ घण्टामा ३ हजार ४८९ जनाको कोरोना परीक्षण भएको छ । जसमा २ हजार ७५० पीसीआर र ७३९ एन्टिजेन परीक्षण भएको हो ।
यसैगरी ३६ जना कोरोनामुक्त भएका छन् । कोरोनाबाट २४ घण्टामा कसैको मृत्यु भएको छैन ।
अहिले देशभर सक्रिय संक्रमितको संख्या ३७५ रहेको स्वास्थ्य मन्त्रालयले जानकारी दिएको छ ।
