काठमाडौं । पछिल्लो २४ घण्टामा ५ हजार ८७५ जनाको कोरोना परीक्षण हुँदा १५ जनालाई संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार सोही अवधिमा १८ जना संक्रमणमुक्त भएका छन् भने कसैको पनि संक्रमणबाट मृत्यु भएको छैन ।
अहिले देशभर २४९ जना सक्रिय संक्रमित रहेका छन् । सक्रिय संक्रमितमध्ये २४५ जना होम आइसोलेसन र ४ जन संस्थागत आइसोलेसनमा छन् । संक्रमितहरुलाई आइसियु र भेन्टिलेटरमा राखेर उपचार गर्नुपरेको छैन ।
आज संक्रमण पुष्टि हुनेमा काठमाडौंमा ९, ललितपुरमा १, कास्कीमा २, महोत्तरी, सुनसरी सिराहामा १ र १ जना रहेका छन् ।
