काठमाडौं । अर्थमन्त्री जनार्दन शर्माले अर्थमन्त्री पदबाट राजीनमा दिएका छन् । उनले बुधबार प्रतिनिधी बैठकमा राजीनामा दिएको बताएका हुन् ।
गत जेठ १४ गते आगामी आर्थिक बर्षको बजेट निमार्णको क्रममा अनधिकृत व्यक्ति अर्थ मन्त्रालयमा प्रवेश गरी करका दर हरफेर गरेको बिषयमा संसदीय छानबिन समिति गठन भएपछि अर्थमन्त्री शर्माले राजीनामा दिएका हुन ।
उनले संसदमा बोल्दै आफुबाट कुनै गल्ती नभएको र संसदीय छानबिन समितिलाई सहयोग गर्ने बताए ।
प्रतिनिधि सभामा प्रमुख प्रतिपक्षी दल नेकपा एमालेले संसदीय छानबिन समिति बनाउनुपर्ने अडान कायम राखेपछि समिति गठन भएको हो ।
