काठमाडौं । आज शुक्रबार सुनको भाउ बढेर प्रतितोला १ लाख रुपैयाँ नाघेको छ ।
बिहिबार तोलाको ९९ हजार ७ सय रुपैयाँमा कारोबार भएको छापावाला सुनको भाउ आज तोलामा ६ सय रुपैयाँले बढेर प्रतितोला १ लाख ३ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।
त्यस्तै आज तेजाबी सुनको भाउ पनि प्रतितोला ६ सय रुपैयाँले नै बढेर ९९ हजार ८ सय रुपैयाँमा कारोबार भइरहेको छ ।
आज चाँदीको तोलामा ३० रुपैयाँले महँगिएर तोलाको १३ सय ९० रुपैयाँ कायम भएको छ ।
