काठमाडौं । लागुऔषध कारोबार मुद्दा मिलाइदिने भन्दै घुस लिइरहेका नेपाली प्रहरीका एक नायब निरीक्षक (सई) लाई अख्तियार दुरुपयोग अनुसन्धान आयोगको टोलीले रंगेहात समातेको छ ।
बर्दियाको बढैयाताल गाउँपालिका वडा नं. ६, मैनापोखरस्थित ईलाका प्रहरी कार्यालय मैनापोखरमा कार्यरत प्रहरी नायब निरीक्षक पवन साउदलाई आयोगको टोलीले नियन्त्रणमा लिएको हो ।
आयोगका अनुसार सई साउदले लागू औषधको मुद्दा मिलाइदिने कार्यमा सहजीकरण गरिदिने प्रयोजनको लागि सेवाग्राहीसँग घुसररिसवत माग गरिरहेको भन्ने सूचना एवं उजुरी निवेदन परेको थियो ।
सोही आधारमा अख्तियार दुरुपयोग अनुसन्धान आयोगको कार्यालय, बुटवल, सम्पर्क कार्यालय नेपालगञ्जबाट खटिई गएको टोलीले निजलाई सेवाग्राहीबाट ३० हजार रुपैयाँ घुसररिसवत लिइसकेको अवस्थामा उक्त रकमसहित नियन्त्रणमा लिएको हो ।
