काठमाडौँ । काठमाडौँ उपत्यकामा शनिबार यस वर्षकै सबैभन्दा कम तापक्रम मापन गरिएको छ।
उपत्यकामा शनिबार यस वर्षकै सबैभन्दा कम २.५ डिग्री तापक्रम मापन गरिएको जल तथा मौसम विभाग, मौसम पूर्वानुमान महाशाखाले जानकारी गराएको छ।
बिहान ८ बजेर ४५ मिनेटमा २ दशमलव ५ डिग्री तापक्रम मापन गरिएको हो। यस वर्ष हिउँदे वर्षा नभए पनि लगातार चिसो बढिरहेको छ।
दुई दिनअघि चिसो तीन डिग्री मापन भएको थियो। पहाडी र हिमाली भेगसँगै तराईमा पनि तापक्रम निरन्तर घटिरहेको मौसम विभागले जानकारी दिएको छ।
