काठमाडौं । काठमाडौंको न्युरोड, असन लगाएतका क्षेत्रमा पसल खोल्न प्रहरीले आज पनि अबरोध गरेको छ ।
यसअघि बिहान ११ बजेसम्म पसल खोले पनि मंगलबारबाट भने प्रहरीले पसल खोल्न रोकेको थियो । बुधबार बिहान पनि पसल खोल्न गएका व्यापारीहरुलाई प्रहरीहरुले रोकेका छन् ।
पसल खोल्न रोकेपछि व्यवसाय सन्चालन गर्न नसक्ने अवस्थामा पुगेको भन्दै अब सरकारलाई ताला चाबी बुझाउने व्यवसायीहरुले बताएका छन् ।
लकडाउनको मिति थपिँदै गर्दा आफुहरु थप मर्कामा परेको भन्दै व्यापारीहरुले केहिदिन यता बिहानको समयमा पसल खोल्न सुरू गरेका थिए । प्रहरीले भन् सरकार कुनै नयाँ निर्देशन नदिएकाले लकडाउनमा कडाइ गरिएको बताएको छ ।
सरकारले चैत्र ११ गतेदेखि लकडाउन घोषणागरेसँगै ती क्षेत्रका पसलहरु पूर्ण रुपमा बन्द भएका थिए । आज लकडाउनको ७८ औं दिन हो ।
