काठमाडौं । पछिल्लो २४ घण्टामा ६ हजार ५ सय ४३ नमुनाको पीसीआर टेस्ट गर्दा ४३४ जनामा कोरोना भाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमकाअनुसार बिहीबार मात्र ४३४ जना (पुरुष ३८६ जना र महिला ४८ जना) मा संक्रमण पुष्टि भएसँगै संक्रमितको संख्या ११ हजार १ सय ६२ पुगेको हो, जसमा १० हजार २० जना पुरुष र १ हजार १ सय ४२ जना महिला रहेका छन् । आज काठमाडौं, ललितपुर र भक्तपुरमा पनि कोरोना संक्रमित भेटिएको छ ।
मन्त्रालयका अनुसार बिहीबार देशभर ७८ हजार २२ जना क्वारेन्टाइनमा रहेका छन् । त्यस्तै कुल ८ हजार ४ सय ८६ जना आइसोलेसनमा उपचाररत रहेका छन् । हालसम्म पिपिआरबाट १ लाख ९९ हजार ७३७ जना र आरडिटी विधिबाट २ लाख ८७ हजार ८६३ जनाको परीक्षण गरिएको छ ।
पछिल्लो २४ घण्टामा ३१२ जना डिस्चार्ज भएका छन् । २४ घण्टामा डिस्चार्ज हुनेमध्ये २९३ पुरुष र १९ महिला छन् । प्रवक्ता गौतमका अनुसार योसँगै डिस्चार्ज हुनेको संख्या २६ सय ५० पुगेको छ, जसमा पुरुष २ हजार ४ हजार ३४ जना र महिला २१६ जना रहेका छन् ।
हालसम्म रसुवा बाहेक ७६ जिल्लामा संक्रमण फैलिएको छ । आजसम्म कोरोना कोरोना भाइरस संक्रमणबाट २४ जनाको मृत्यू भएको छ ।
