काठमाडौं । गोंगबु बसपार्क नजिकै रहेको एक ग्यारेजमा आगलागी भएको छ । बिहान ३ बजेतिर आगलागी हुँदा ८ वटा पूर्ण रुपमा र ४ वटा माइक्रोबस आंशिक रुपमा जलेको छ । राजेन्द्र आचार्यले सञ्चालन गरेको सुप्रश्री अटो वल्ड वर्कशपमा लकडाउनमा पार्किङ गरेर राखेको माइक्रोबसमा आगलागी भएको प्रहरीले जनाएको छ ।
आगलागीबाट बा ४ ख ४०९, बा २ क २०८०, बा १ ज ९६०३, बा १ ज ९४९८, बा २ छ १०९६, बा ३ ख ८५८९, बा ४ ख २४० र ग १ ज २०४६ नम्बरको माइक्रोबस पूर्ण रुपमा जलेर नष्ट भएको छ । यस्तै बा २ ख ४१७९, बा ४ ख २२६४, बा ३ ख ९००३ र बा १ ज ९६०० नम्बरको माइक्रोबस आंशिक रुपमा जलेको प्रहरीले जनाएको छ ।
प्रहरीका अनुसार आगलागीको कारण खुलेको छैन, यसबारे अनुसन्धान भइरहेको प्रहरीले जनाएको छ ।
