काठमाडौं । नेपाल राष्ट्र बैंकले आज बैंक तथा वित्तीय संस्थाहरुलाई खुला राख्न निर्देशन दिएको छ ।
केन्द्रीय बैंकले क ख र ग वर्गका बैंक तथा वित्तीय संस्थाहरुलाई असार मसान्तसम्म शनिवार तथा सार्वजनिक बिदामासमेत केन्द्रीय तथा शाखा कार्यालयहरु पूर्णकालिन रुपमा खोल्न भनेको छ ।
केन्द्रीय बैंकको निर्देशनपछि राजस्व बुझ्ने प्रयोजनका लागि बैंक तथा वित्तीय संस्थाहरु अव असार मसान्तसम्म पूर्णकालिन रुपमा खुल्ने छन् ।
राष्ट्र बैंक, बैंक तथा वित्तीय संस्था नियमन विभागका प्रमुख देवकुमार ढकालले राजस्व कारोबार गर्ने बैंक तथा वित्तीय संस्थाका शाखा कार्यालयहरू खुला राख्न निर्देशन दिइएको बताएका छन् ।
केन्द्रीय बैंकले यो महिनाभर राजस्व संकलन गर्ने शाख काउन्टर एवं बैंकका क्लियरिङ सम्बन्धी कार्य गर्ने काउन्टरलगायत नेपाल क्लियरिङ हाउस लिमिटेड पूर्णकालीन रुपमा खोल्न निर्देशन दिएको छ ।
कोरोना भाइरसका कारण सरकारको राजस्व उठ्न नसकेको र सर्वसाधारणलाई सहजताका लागि बैंकहरू खुला राख्न निर्देशन दिएको राष्ट्र बैंकले बताएको छ ।
