ललितपुर । ७ वर्षीया बालिकालाई जबरजस्ती करणी गरेको अभियोगमा ललितपुर महानगरपालिका वडा नं. २७ सुनाकोठी डेरा गरी बस्ने धादिङ धुनवेसी नगरपालिका वडा नं. ९ घर भएका २५ वर्षीय सुरेन्द्र तामाङलाई सोमबार बिहान प्रहरीले पक्राउ गरेको छ ।
तामाङले ती बालिकालाई जबरजस्ती करणी गरेको भन्ने खबर प्राप्त हुनासाथ महानगरीय प्रहरी वृत्त चापागाउँबाट खटिएको प्रहरीले उनलाई पक्राउ गरेको हो ।
बालिकालाई मेडिकलको लागि पाटन हस्पिटलमा पठाइएको र यसबारे थप अनुसन्धान गरिरहेको महानगरीय प्रहरी वृत्तका डीएपी कृष्णराज ओझाले जानकारी दिए ।
