काठमाडौं । शुक्रबार विभिन्न प्रयोगशालामा १० हजार ७६८ जनाको परीक्षण गर्दा थप २२४ जनामा कोरोना भाइरस (कोभिड–१९) को संक्रमण पुष्टि भएको छ ।
स्वास्थ्य तथा जनसंख्या मन्त्रालयको शुक्रबारको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले पछिल्लो २४ घण्टामा २२४ जनामा कोरोना संक्रमण पुष्टि गरेका हुन् ।
आज काठमाडौंका ३२ जना, ललिलतपुरका ५ जना र भक्तपुरका १ जना गरी काठमाडौं उपत्याकामा ३८ जनामा कोरोना देखिएको छ ।
क्वारेन्टाइनमा रहनेको संख्या १२ हजार १११ पुगेको छ । यस्तै मन्त्रालयका अनुसार आइसोलेसनमा ५ हजार ३ सय १६ जनाको उपचार भइराखेको छ ।
आज १५१ जना निको भई घर फर्किएका छन् । योसँगै हालसम्म १४ हजार २९९ जना उपचार पश्चात निको भएका छन् ।
नेपालमा कोरोनाभाइरसबाट थप ४ जनाको मृत्यु भएको छ । मृत्यू हुनेमा वीरगन्जका ५६ वर्ष, ३५ वर्ष र ६५ वर्षको पुरुष रहेका छन् । त्यस्तै वीरगन्ज स्थायी घर भई हाल ललितपुर महानगरपालिका वडा नं. ५ थसिखेल बस्ने वर्ष ६५ को एक महिलाको पनि आज निधन भएको छ । योसँगै संक्रमणबाट मृत्यु हुनेको कुल संख्या ५६ पुगेको छ ।
