काठमाडौं । सोमबार विभिन्न प्रयोगशालामा गरिएको परीक्षणमा थप ४१८ जनामा कोरोना भाइरस (कोभिड–१९) को संक्रमण पुष्टि भएको छ ।
स्वास्थ्य तथा जनसंख्या मन्त्रालयको सोमबारको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले पछिल्लो २४ घण्टामा ४१८ जनामा कोरोना संक्रमण पुष्टि गरेका हुन् । योसँगै कोरोनाबाट संक्रमितको कुल संख्या २० हजार ७५० पुगेको छ ।
आज काठमाडौंका ४३ जना, ललितपुरका ३ जना र भक्तपुरका ५ जना गरी काठमाडौं उपत्याकामा ५१ जनामा कोरोना देखिएको छ ।
स्वास्थ्य तथा जनसंख्या मन्त्रालयका अनुसार देशभर कुल आइसोलेसनमा ५ हजार ७ सय ३२ जनाको उपचार भइराखेको छ । हालसम्म ३ लाख ९८ हजार ९०७ जनाको पिसिआरबाट परीक्षण गरिएको छ ।
हालसम्म १४ हजार ९०१ जना उपचार गरी घर फर्किएका छन् । कोरोना संक्रमणबाट मृत्यु हुनेको कुल संख्या ५७ पुगेको छ ।
