ललितपुर । बिहीबार ललितपुर जिल्लामा १२ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयको नियमति प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले यसको पुष्टि गरेका हुन् ।
बिहीबार भेटिएका १२ कोरोना संक्रमित सबै ललितपुर महानगरपालिकाका स्थायी तथा अस्थायी बासिन्दा हुन् । स्वास्थ्य कार्यालय ललितपुरका अनुसार ५ जना ललितपुरका स्थायी बासिन्दा हुन भने बाँकी ७ जना अस्थायी बासिन्दा हुन् ।
बिहीबार देखिएका ४२ वर्षका पुरुष, १३ वर्षका बालक, ५१ वर्षका पुरुष, ३८ वर्षका महिला, ४५ वर्षका पुरुष, ३० वर्षका पुरुष, १८ वर्षका पुरुष, ३४ वर्षका पुरुष, ६० वर्षका पुरुष, ४ वर्षका बालक, २० वर्षका पुरुष र २० वर्षका पुरुष रहेका छन् । तीमध्ये १३ वर्षका बालक,५१ वर्षका पुरुष, ४५ वर्षका पुरुष, ४ वर्षका बालक र २० वर्षका पुरुष ललितपुर महानगरपालिकाका स्थायी बासिन्दा हुन् ।
योसँगै ललितपुरमा हालसम्म १३२ जना कोरोना संक्रमित भएका छन्, पुरुष ८४ पुरुष र महिला ४८ जना रहेका छन् ।
ललितपुरमा हालसम्म ३ जनाको मृत्यू भएको छ । ललितपुर थसिखेलका ६५ वर्षका महिला, बुंगमतीका ५७ वर्षिय पुरुष, टीकाथलीमा ५० वर्षिय पुरुषको कोरोना संक्रमणबाट निधन भएको थियो ।
