काठमाडौं । स्वास्थ्य तथा जनसङ्ख्या मन्त्रालयका ४ जना कर्मचारीमा कोरोना भाइरस (कोभिड–१९) सङ्क्रमणको पुष्टि भएको छ । स्वास्थ्य तथा जनसङ्ख्या मन्त्रालयमा गत शुक्रबार कर्मचारीहरूको स्वाब सङ्कलन गरिएको थियो ।
स्वास्थ्य तथा जनसङ्ख्या मन्त्री भानुभक्त ढकालका प्रेस संयोजक माधवप्रसाद तिवारीका अनुसार मन्त्रालयका चार जना कर्मचारीमा कोरोना सङ्क्रमणको पुष्टि भएको छ । उनका अनुसार मन्त्रालयका चालक र सहयोगीमा सङ्क्रमणको पुष्टि भएको जानकारी दिए ।
