काठमाडौं । गृह मन्त्रालयले ७ वटा जिल्लाका प्रमुख जिल्ला अधिकारी (सीडीओ) को सरुवा तथा पदस्थापन गरेको छ । गृहमन्त्री रामबहादुर थापाले मन्त्रीस्तरीय निर्णय अनुसार प्रमुख जिल्ला अधिकारीको सरुवा गरेका हुन् ।
गृह मन्त्रालयका सहप्रवक्ता उमाकान्त अधिकारीलाई म्याग्दी सरुवा गरिएको छ । गृहमै कार्यरत उमेश बस्नेतलाई जिल्ला प्रशासन कार्यालय रौतहटमा सरुवा गरिएको छ ।
दैलेखमा सन्त बहादुर सुनारलाई सरुवा गरिएको छ । यस्तै मुस्ताङको प्रजिअमा हिरादेवी पौडेल, प्यूठानको प्रमुख जिल्ला अधिकारीमा खिमराज भुसाल र मनाङमा ध्रुव गिरीलाई सरुवा गरिएको छ । यस्तै राजकुमार राईलाई जिल्ला प्रशासन कार्यालय रुकुम पूर्व सरुवा गरिएको छ ।
