काठमाडौं । नेपालमा थप १५६ जनामा कोरोना भाइरस (कोभिड–१९) को संक्रमण पुष्टि भएको छ।
शुक्रबार स्वास्थ्य तथा जनसंख्या मन्त्रालयले दिएको जानकारीअनुसार पछिल्लो २४ घन्टामा ४ हजार ४१६ मा पिसिआर गर्दा १५६ जनामा कोरोना पुष्टि भएको हो।
योसहित नेपालमा कोरोना संक्रमितको संख्या दुई लाख ७६ हजार ६६५ पुगेको छ।
पछिल्लो २४ घन्टामा ७० जना निको भएर फर्किएका छन्। योसहित कोरोनाबाट निको हुनेको संख्या दुई लाख ७२ हजार ३४२ पुगेको छ।
कोरोना संक्रमणका कारण ३ हजार २४ जनाको मृत्यु भएको छ । अहिले १२ सय ९९ जना आइसोलेसनमा छन् । यस्तै कोरोनाको शंकामा ५२ जनालाई क्वारेन्टिनमा राखिएको छ ।
