काठमाडौं । पछिल्लो २४ घण्टामा देशभर १७ सय ३६ जनालाई कोरोना भाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पीसीआर परीक्षणमा १६ सय ३६ र एन्टीजेनमा ६९ जनालाई पोजेटिभ देखिएको छ ।
२४ घण्टामा ८ हजार ५५ पीसीआर र ६८३ जनाको एन्टीजेन परीक्षण भएको थियो । सोही अवधिमा २५१ जना संक्रमणमुक्त भएका छन् भने ११ संक्रमितको मृत्यु भएको छ ।
अहिलेसम्म नेपालमा संक्रमितको संख्या २ लाख ८७ हजार ५६७ सय पुगेको छ जसमध्ये २ लाख ७५ हजार ८०६ जना निको भएका छन् भने ३१ सय २ जनाको मृत्यु भएको छ । अहिले ८६ सय ५९ जना संक्रमित आइसोलेसनमा छन् ।
