काठमाडौं । नेपालमा पछिल्लो २४ घण्टामा कोरोना भाइरस (कोभिड–१९) परीक्षण भएकामध्ये २६ प्रतिशतलाई संक्रमण पुष्टि भएको छ । ९ हजार ६६४ जनाको परीक्षण भएकोमा २५ सय ५९ जनालाई संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ८७ सय ९८ जनाको पीसीआर परीक्षण भएकोमा २४ सय ५९ जना र ८६६ जनाको एन्टीजेन परीक्षण भएकोमा ११० जनालाई पोजेटिभ देखिएको छ ।
सोही अवधिमा ४१० जना संक्रमणमुक्त भएका छन् भने ५ जनाको मृत्यु भएको छ ।
काठमाडौँ उपत्यकाका तीन जिल्ला मध्ये काठमाडौँमा ७६०, ललितपुरमा १०६ र भक्तपुरमा ७४ जना गरी ९४० जना थपिएका छन् । नेपालमा २ लाख ९४ हजार ६०१ जनामा संक्रमण पुष्टि भएको छ भने २ लाख ७६ हजार ७५५ जना निको भएका छन् भने अहिले १४ हजार ७२४ जना सक्रिय संक्रमित छन् ।
