काठमाडौं । नेपालमा पछिल्लो २४ घण्टामा २६ सय १९ जनालाई कोरोना भाइरस (कोभिड–१९) संक्रमण पुष्टि भएको छ । सोही अवधिमा ३६८ जना संक्रमणमुक्त भएका छन् भने १४ संक्रमितको मृत्यु भएको छ ।
स्वास्थ्य तथा जनसंख्या मन्त्रालयका अनुसार ७५ सय २५ जनाको पीसीमार परीक्षण गर्दा २४ सय ८६ र ११४३ जनाको एन्टीजेन परीक्षणमा १३३ जनामा पोजेटिभ देखिएको छ ।
काठमाडौँ उपत्यकाका काठमाडौंमा ६४४, ललितपुरमा १४१ र भक्तपुरमा ८७ जना गरी ८७२ जना थपिएका छन् । अहिलेसम्म कोरोना संक्रमितको संख्या २ लाख ९७ हजार ८७ पुगेको छ । जसमध्ये २ लाख ७७ हजार १२३ निको भएका छन् भने ३१ सय ३६ जनाको मृत्यु भएको छ ।
