काठमाडौं । पछिल्लो २४ घण्टामा ४५ सय २४ जनालाई कोरोना भाइरस (कोभिड–१९) संक्रमण पुष्टि भएको छ । सोही अवधिमा ५५५ जना संक्रमणमुक्त हुनुका साथै १८ जनाको मृत्यु भएको छ । आज (मंगलबार) थपिएको संख्या अघिल्लो दिनको तुलनामा ९६८ बढी हो । हिजो (सोमबार) ३५ सय ५६ जनालाई संक्रमण पुष्टि भएको थियो ।
स्वास्थ्य तथा जनसंख्या मन्त्रालयका अनुसार १४ हजार ६७२ जनाको पीसीआर र १ हजार ९ जनाको एन्टीजेन परीक्षण भएको थियो । जसमा पीसीआर परीक्षण गर्दा ४३ सय ६४ र एन्टीजेन परीक्षणमा १६० जनालाई पोजेटिभ देखिएको छ ।
अहिलेसम्म कोरोना संक्रमितको संख्या ३ लाख ७ हजार ९२५ पुगेको छ भने २ लाख ७८ हजार ५०६ निको भएका छन् भने ३१ सय ९४ जनाको मृत्यु भएको छ । अहिले सक्रिय संक्रमितको संख्या २६ हजार २२५ रहेको छ ।
