काठमाडौं । दुई किलो अवैध सुनसहित ३ जना पक्राउ परेका छन्। रसुवाबाट काठमाडौं आउँदै गरेको गाडीबाट प्रहरीले उक्त सुनसहित ३ जनालाई पक्राउ गरेको हो।
उपत्यका अपराध अनुसन्धान कार्यालयको टोलीले नागढुंगाबाट सुन बरामद गरेको प्रवक्ता तथा प्रहरी उपरिक्षक रवीन्द्र रेग्मीले बताए ।
उनीहरूमाथि प्रहरीले थप अनुसन्धान जारी राखेको छ। पक्राउ पर्नेहरूमा रसुवाका २१ वर्षीय सुनिल भुजेल, २८ वर्षीय ग्याल्छिङ तामाङ र २६ वर्षीय विरु तामाङ रहेका छन् । उनीहरूले रसुवा नाकाबाट सुन ल्याएको खुलेको रेग्मीले बताए।
यस्तै, आज मात्रै त्रिभुवन अन्तर्राष्ट्रिय विमानस्थलबाट १४ किलो सुनसहित २ जना पक्राउ परेका थिए।
