काठमाडौं । पछिल्लो २४ घण्टामा १३ सय ८२ जनामा कोरोना भाइरस संक्रमित थपिएका छन्। स्वास्थ्य तथा जनसंख्या मन्त्रालयका अनुसार नयाँ थपिएका सहित कोरोना संक्रमितको संख्या २ लाख ४३ हजार ३७७ पुगेको छ।
यस्तै मंगलबार एकैदिन १६ सय २१ जना डिस्चार्ज भएका छन्। योसहित कोरोना जित्नेको संख्या २ लाख २९ हजार ५४ पुगेको स्वास्थ्य मन्त्रालयले जनाएको छ। म
देशभर सक्रिय संक्रमितको संख्या १२ हजार ६ सय ८६ रहेको छ। अहिलेसम्म कोरोनाबाट मृत्यु हुनेको संख्या १६ सय ३७ पुगेको मन्त्रालयले जनाएको छ। मंगलबार मात्र कोरोनाबाट थप २३ जनाको मृत्यु भएको छ।
यस्तै अहिले ५२३ जना क्वारेन्टिन र १२ हजार ६८६ आइसोलेसनमा रहेको मन्त्रालयले जनाएको छ। मंगलबार ८ हजार ९४७ स्वाब नमूना परीक्षण गराउँदा १३ सय ८२ जनामा संकरमण देखिएको मन्त्रालयले जनाएको छ।
